Gist í miðborg Melbourne

Áttum bókaðar tvær nætur í miðborg Melbourne.  Þar var gist aðfaranótt laugardags og sunnudags.  Á föstudagskvöld fór Ester í afmæli til vinkonu sinnar sem býr í miðborg Melbourne og ákváðum við Laufey að taka það rólega um kvöldið, fórum að vísu út að borða, borðuðum úti við stóra verslunar- og veitingagötu og nutum frábærrar þjónustu og góðs mats. Ekki amalegt að rölta um götur borgarinnar að kvöldlagi í um 24 gráðu hita sem er mjög mátulegur kvöldhiti.

Á  laugardagskvöldið fórum við út að borða með frænda Ester, Antony.  Hann er á leiðinni í 12 mánaða heimsreisu og hefur mikin áhuga á að koma til Íslands í þeirri ferð sinni. 
Seinna um kvöldið var farið aftur í Crown spilavítið til að ,,ná til baka" því sem við skildum þar eftir í síðustu viku en þá urðu þar eftir um 3.000 íslenskar krónur.  

Eftir að hafa þvælst þar í um klukkustund en spilað í um 15 mínútur þá fórum við heim með um kr. 15.000 í vasanum og má því segja að 3.500 krónurnar sem ,,lagðar voru inn" í vikunni áður hafi ávaxtað sig þokkalega þann tíma sem þær voru þar :)   Það er auðvelt að vilja halda áfram þegar vel gengur, en sjaldnast hefst eitthvað upp úr því annað en léttari budda...   

Athugasemdir

[Lilla og Snæbj (IP-tala skráð) 5.3.2007 kl. 16:16]

Hæhæ villimenn!

Jahérna manni verður nú ekki um sel þegar þið eruð farin að éta krókodíla og spila í spilavítum.... En frábært að heyra að ykkur vegnar vel og maður er bara með ykkur í anda. Gleymið svo ekki að kíkja við á heimleiðinni...

kveðja úr Rokrassgatagerði þar sem ruslið fýkur um loftin blá.

Lilla og Snæbj.